سابق وزیراعظم ایمانداری ، شائستگی کیلئے تحریک کا سرچشمہ:راہول
نئی دہلی : کانگریس لیڈر راہول گاندھی نے سابق وزیر اعظم ڈاکٹر منموہن سنگھ کو ان کی سالگرہ پر مبارکباد پیش کرتے ہوئے کہا ہے کہ ان کی ایمانداری ، شائستگی اور لگن ہم سب کے لئے سرچشمہ ہے ۔ملک کے 13 ویں وزیر اعظم ڈاکٹر منموہن سنگھ کی آج 88ویں سالگرہ ہے ۔ ڈاکٹر سنگھ 2004 سے 2014 تک ملک کے وزیر اعظم رہے ۔سابق کانگریس صدر نے مبارکباد پیش کرتے ہوئے کہا‘‘ملک میں ڈاکٹر سنگھ جیسے سنجیدہ وزیر اعظم کی کمی محسوس ہورہی ہے ۔ انہیں سالگرہ کی بہت بہت مبارکباد اور ان کا آنے والا سال خوشنما ہو ۔ منموہن سنگھ کو مختلف قائدین نے بھی سالگرہ کی مبارکباد پیش کی ہے۔
