بیجنگ : چین میں مبینہ طور پر ڈاکٹر نے آپریشن کے دوران مریض کو مْکّا مار دیا۔ غیرملکی میڈیا کے مطابق متعلقہ حکام نے اسپتال میں پیش آنے والے اس معاملہ کی تفتیش شروع کردی ہے۔ رپورٹس کے مطابق اس واقعہ کی ویڈیو چین میں سوشل میڈیا پر رواں ہفتہ وائرل ہوئی تھی جس پر شدید غم و غصے کا اظہار کیا جارہا ہے۔ غیرملکی میڈیا کے مطابق 2019ء میں پیش آنے والے اس واقعہ پر ڈاکٹر کو معطل جبکہ اسپتال کے چیف ایگزیکٹو افسر کو برطرف کردیا گیا ہے۔ رپورٹس کے مطابق مریض کی آنکھوں کے آپریشن کے دوران ڈاکٹر نے کم از کم 3 مرتبہ اس کے سر پر مارا تھا۔ غیرملکی میڈیا کے مطابق 82 سالہ مریض خاتون کو سرجری کے دوران اینستھیزیا کی وجہ سے پریشانی ہوئی تھی جس پر اس نے اپنے سر اور پلکوں کو متعدد بار ہلایا تھا۔ مقامی میڈیا سے بات کرتے ہوئے مریض کے بیٹے کا کہنا تھا کہ سرجری کے بعد اسپتال کی انتظامیہ نے معذرت کی اور 500 یوآن (70 ڈالر) بطور معاوضہ ادا کیا۔
