حیدرآباد22نومبر(یواین آئی)محکمہ ڈاک نے صارفین کو جدید خدمات فراہم کرنے ‘ڈاک سیوا ایپ’ متعارف کیا ہے ۔ اب ڈاک سیوا میں8 خدمات ایک ہی جگہ دستیاب ہیں۔ایپ کی خاصیت: خط اور اسپیڈ پوسٹ کی ٹریکنگ،پوسٹ آفس لوکیشن ،ڈاک خرچ،بیمہ اسکیموں کی تفصیل ،مختلف اسکیموں کی سود کی تفصیلات ، پارسل / رجسٹرڈ پوسٹ بکنگ ، کارپوریٹ کسٹمرس خدمات ، پوسٹ آفس لائن میں کھڑے رہنے کی ضرورت ختم۔ ایپ ڈاؤن لوڈ کرنے کا طریقہ: پلے اسٹوریا ایپ اسٹور میں ڈاک سیوا ٹائپ کریں جس کے بعد محکمہ ڈاک، حکومت ہند کا آفیشل ایپ انسٹال کریں،موبائل نمبر یا ای میل سے رجسٹر کریں،اوٹی پی سے لاگ ان ہوکر تمام خدمات استعمال کریں۔ معلومات کیلئے انڈیا پوسٹ کی آفیشل ویب سائٹ دیکھی جا سکتی ہے ۔ تپال افسر راما راؤ نے کہا کہ یہ ایپ عوام کو تیز رفتار، آسان اور شفاف خدمات فراہم کرے گی۔ ہندوستان میں پوسٹل خدمات 1854 میں لارڈ ڈل ہوزی نے شروع کیں۔ آج ملک میں 1,64,999 پوسٹ آفس ہیں جن میں سے 90فیصد دیہی علاقوں میں موجود ہیں۔ تلنگانہ میں تقریباً 6,305 پوسٹ آفس کام کررہے ہیں۔
