نئی دہلی: کانگریس لیڈر راہول گاندھی نے آج بھارتیہ جنتا پارٹی کی ‘ڈبل انجن’ حکومت کے نعرے پر طنز کرتے ہوئے کہا کہ اتر پردیش میں ہر روز جس طرح کے واقعات ہو رہے ہیں اس سے ثابت ہوتا ہے کہ بی جے پی کی ‘ڈبل انجن’ حکومت ‘جنگل راج’ کی گارنٹی ہے ۔آج سوشل میڈیا پر ایک پوسٹ میں راہول گاندھی نے کہا ‘‘ بی جے پی اور مودی میڈیا مل کر کیسے ‘جھوٹ کا کاروبار’ کر رہے ہیں، اتر پردیش میں امن و امان کی صورتحال اس بات کی سب سے بڑی مثال ہے ۔کہیں درخت سے لٹکی نابالغ بہنوں کی لاشیں تو کہیں اینٹوں سے کچل کر قتل کرنے کے واقعات ۔ کہیں بی جے پی ممبران کے ذریعہ آئی آئی ٹی- بی ایچ یو کیمپس میں اجتماعی عصمت دری اور کہیں ایک خاتون جج انصاف نہ ملنے پر خودکشی پر مجبور۔انہوں نے کہا کہ یہ اس ریاست کا حال ہے جس کے قانون و انتظام کی تعریف کرتے مودی میڈیا تھکتا نہیں ہے ۔ امبیڈکر میموریل کے مطالبے پر رام پور میں 10ویں کے امتحان سے واپس آنے والے ایک دلت طالب علم کا حالیہ قتل اتر پردیش میں امن و امان کی خستہ حالی کی سب سے بھیانک مثال ہے ۔ اتر پردیش کانگریس کے کارکنان بی جے پی کے نظام اور مجرموں کے اس اتحاد کے خلاف آج ہر ضلع اور ہر تحصیل میں احتجاج کرکے انصاف کے لیے آواز اٹھائیں گے ۔میڈیا کو کٹہرے میں کھڑا کرتے ہوئے ، راہول گاندھی نے کہاکہ اب وقت آگیا ہے کہ مودی میڈیا کی بنائی ہوئی جھوٹی تصویر سے باہر نکلیں اور سچ دیکھیں، ڈبل انجن والی حکومت ‘جنگل راج کی گارنٹی’ ہے ۔
راہول کی بھارت جوڑو نیائے یاترا کا اجین میں ہوگا روڈ شوبھوپال: کانگریس کے سابق صدر راہول گاندھی کی ‘بھارت جوڑو نیائے یاترا’ مدھیہ پردیش میں کل مورینا سے شروع ہو کر 6 مارچ تک جاری رہے گی۔اس پانچ روزہ یاترا کے دوران راہول گاندھی اجین میں شری مہاکلیشور بھگوان کے درشن بھی کریں گے ۔ریاستی کانگریس کے نائب صدر اور تنظیم کے انچارج راجیو سنگھ نے کہا کہ نیائے یاترا کل مورینا سے شروع ہوگی۔ مورینا میں روڈ شو اور استقبالیہ پروگرام ہوگا۔ مورینا میں ہی راہول گاندھی کا خطاب ہوگا۔تین مارچ کو رہول گاندھی کی یاترا اگنی ویر کے سابق فوجیوں کے ساتھ مذاکرات سے شروع ہوگی۔ اس کے بعد یاترا شیو پوری کے مختلف علاقوں سے گزرے گی۔اگلے دن 4 مارچ کو گونا ضلع سے یاترا شروع ہوگی۔ گونا ضلع کے راگھوگڑھ میں روڈ شو کا انعقاد کیا جائے گا۔ شام میں، راہول ضلع راج گڑھ میں کسانوں سے بات چیت کریں گے ۔مسٹر سنگھ نے کہا کہ 5 مارچ کو یاترا راج گڑھ کے پچور اور سارنگ پور سے ضلع اجین کے مکسی میں داخل ہوگی۔ اسی دن راہول اجین میں شری مہاکالیشور مندر جائیں گے ۔ شام کو اجین میں یوتھ رائٹس ریلی نکالی جائے گی۔بھارت جوڑو نیائے یاترا کے تحت راہول گاندھی 6 مارچ کو صبح بڑ نگر میں مہیلا سمواد پروگرام کے بعد روڈ شو کریں گے ۔ یاترا تقریباً 3 بجے ضلع رتلام پہنچے گی اور شام کو سیلانہ میں داخل ہونے کے بعد یہاں سے آگے بڑھے گی۔