پٹنہ: بہار آر جے ڈی کے ترجمان اعجاز احمد نے الزام لگایا کہ بہار میں ڈبل انجن والی سرکار کے 20 سال کے دور میں قتل، ڈکیتی، عصمت دری کے واقعات اور مہنگائی میں مسلسل اضافہ ہوا ہے ۔ اعجاز احمد نے جمعہ کے روز کہا کہ 20 سالوں میں مظفر پور شیلٹر ہوم اور گرلز ہوم جیسے معاملے سامنے آئے جس سے بہار کو شرمندہ ہونا پڑا۔ این سی آر بی کی رپورٹ کے مطابق ان 20 سالوں میں 60 ہزار سے زیادہ قتل اور تقریباً 25 ہزار عصمت دری کے واقعات ہوئے ہیں۔ ایسا لگتا ہے کہ بہار میں بے بس اور خستہ حال حکومت چل رہی ہے ، اور بھارتیہ جنتا پارٹی اقتدار کی خاطر کسی بھی حد تک جانے کو تیار ہے ۔ آر جے ڈی کے ترجمان نے الزام لگایا کہ بہار میں ڈبل انجن والی حکومت کے لیڈر مکمل طور پر بے ہوشی کی حالت میں ہیں اور انہیں عوامی مفادات کی کوئی فکر نہیں ہے ۔ حکومت کا وقار ختم ہو چکا ہے ، ان 20 سالوں میں بہار پسماندہ ریاست بن گئی ہے ، یہ بھی نیتی آیوگ کی رپورٹ سے واضح ہوا ہے ۔
جب انسانی انڈیکس کی بات آتی ہے ، چاہے وہ طب کا میدان ہو، تعلیم کا میدان ہو یا ترقی کا، بہار تمام شعبوں میں پیچھے ہے ۔
مسٹر اعجاز احمد نے کہا، بہار میں پل گر رہے ہیں، حکومت کا اقبال گرچکا ہے ، لیکن حکومت کے لیڈر عجیب باتیں کر کے بہار کی توہین کر رہے ہیں۔
