برسلز : یورپی یونین نے ڈراونز کی تیاری میں استعمال ہو سکنے والے پرزہ جات کی ایران کو برآمد پر پابندی عائد کر دی ہے۔یورپی کونسل کے بیان کے مطابق، یوکرین کی جنگ میں روس سے تعاون کرنے پر ایران کے لیے ایک نیا “پابندیاں فریم ورک” تشکیل دیا گیا ہے۔اس تناظر میں، یورپی یونین کے ممالک سے ایران کو ڈرونزکی تیاری میں استعمال ہونے والے ہر قسم کے پرزے اور مواد کی برآمدات پر پابندی عائد کر دی گئی ہے۔اس سے ایران کے ڈرون پروگرام میں تعاون یا اس میں حصہ لینے والوں کے لیے سفری پابندیوں اور اثاثوں کو منجمد کرنے سمیت پابندیوں کے اقدامات کی راہ بھی ہموار ہوئی ہے۔یورپی یونین نے علاوہ ازیں 6 ایرانی شہریوں پر اس بنیاد پر پابندیاں عائد کرنے کا فیصلہ کیا کہ انہوں نے سابق پابندیوں کے دائرہ کار میں روس اور شام کی حکومتوں کو فوجی مدد فراہم کی تھی۔