کلکتہ21مارچ (سیاست ڈاٹ کام)کورونا کی دہشت کے درمیان آج صبح ڈمڈم سنٹرل جیل میں قیدیوں اور پولس کے درمیان خوفناک تصادم سامنے آیاہے ۔دراصل کورونا وائرس کی وجہ سے جیل انتظامیہ نے قیدیوں کو رشتہ داروں سے ملاقات کرنے پر روک لگادی تھی اس کی وجہ سے آج صبح سے قیدی احتجاج کررہے تھے ۔جیل ذرائع کے مطابق قیدیوں نے جیل کے ایک بڑے حصہ کواپنے قبضے میں لے لیا تھا۔ جیل کے اندر آگ لگادی، کچھ قیدیوں نے سیڑھی کے ذریعہ فرار ہونے کی بھی کوشش کی۔ ابھی تک یہ واضح نہیں ہوسکا کہ جھڑپ کے دوران کوئی فرار ہوا ہے یا نہیں۔جیل کو کنٹرول کرنے کیلئے پولس اہلکاروں کو جیل میں داخل ہونا پڑا۔کچھ قیدیوں نے گیس سلینڈر میں آگ لگانے کی بھی کوشش کی اس کی وجہ سے صورت حال دھماکہ خیز ہوگیا تھا۔حالات کو کنٹرول کرنے کیلئے پولس کو قیدیوں پر لاٹھی چارج بھی کرنی پڑی۔ قیدیوں کو کوڈ و۔19 وائرس سے متاثر ہونے سے بچانے کے لئے ،ریاستی محکمہ جیل نے عارضی طور پرقیدیوں کی اپنے اہل خانہ سے ملاقات پر روک لگانے کا فیصلہ کیا تھا۔
