ٹرمپ کا اعلان‘گرین لینڈ کی مکمل خریداری تک ٹیرف برقرار رہے گا
واشنگٹن۔ 17؍جنوری ( ایجنسیز ) امریکی صدر ڈونالڈٹرمپ نے ڈنمارک سمیت آٹھ یورپی ممالک پر 10 فیصد ٹیرف لگانے کا اعلان کر دیا۔ڈونالڈ ٹرمپ نے سوشل میڈیا ایپ ٹروتھ پر پیغام جاری کردی، ٹیرف کا اطلاق ڈنمارک سمیت ناروے، سویڈن، برطانیہ، نیدرلینڈز اور فن لینڈ پر ہوگا۔امریکی صدرنے گرین لینڈ خریدنے کیلئے یورپی ممالک پر بھاری ٹیرف عائد کرنے کا اعلان بھی کیا ہے جب کہ یکم جون سے یورپی ممالک پر ٹیرف بڑھا کر25 فیصد کر دیا جائے گا۔امریکی صدر کا اپنے مؤقف میں کہنا تھا کہ گرین لینڈ عالمی سلامتی کیلئے کلیدی حیثیت رکھتا ہے۔ چین اور روس گرین لینڈ پر نظریں جمائے ہوئے ہیں، گرین لینڈ کی حفاظت ڈنمارک کے بس کی بات نہیں۔ امریکہ کے سوا کوئی گرین لینڈ کا دفاع نہیں کر سکتا۔ٹرمپ نے کہا کہ گرین لینڈ کا حصول امریکی قومی سلامتی کیلئے ناگزیر ہے، یورپی ممالک کی گرین لینڈ آمد خطرناک صورتِ حال پیدا کر رہی ہے۔ امریکہ نے گرین لینڈ کی مکمل خریداری تک ٹیرف برقرار رکھنے کا اعلان کیا ہے۔