کوپن ہیگن: سویڈن میں عراقی عیسائی پناہ گزین سلوان مومیکا کی ہلاکت کے چند روز بعد ڈنمارک کی انتہائی دائیں بازو کی ‘‘ہارڈ وے’’ پارٹی کا لیڈر ملعون راسموس پالوڈن نے ایک بار پھر گستاخانہ حرکت میں قرآن پاک کے نسخہ کو نذر آتش کر دیا۔ سویڈش میڈیا کے مطابق پالوڈان نے ایکس سوشل میڈیا اکاؤنٹ پر ایک پیغام میں کوپن ہیگن میں ترکیہ کے سفارتخانے کے سامنے اپنے اس گھناؤنے فعل کا اعلان کیا۔میڈیا رپورٹس کے مطابق ڈنمارک کے اس سیاست دان نے ایک بار پھر قرآن پاک کی بے حرمتی کی، حالانکہ اس سے قبل ڈنمارک کی پولیس نے مومیکا کی موت کے بعد اس گھناؤنے فعل کی ممانعت کا بیان جاری کیا تھا۔
