ڈھاکہ: بنگلہ دیش کے دارالحکومت ڈھاکہ میں ٹرین میں آتشزدگی سے 4 افراد جھلس کر جاں بحق اور متعد زخمی ہوگئے۔ تفصیلات کہ مطابق ڈھاکہ میٹروپولیٹن پولیس کے نائب سربراہ محی الدین نے بتایا کہ ٹرین میں آگ لگی نہیں بلکہ لگائی گئی ، دیکھتے ہی دیکھتے آگ نے چار بوگیوں کو لپیٹ میں لے لیا۔ پولیس کی ریپڈ ایکشن بٹالین کے سربراہ کھانڈیکر المعین نے بتایا کہ امدادی کارکنوں نے تیزی سے موقعہ پر پہنچ کر آگ بجھائی، ٹرین سروس کچھ دیر کے لئے معطل بھی کرنا پڑی۔ پولیس اور انتظامیہ کے افسران نے کہا کہ کچھ لوگ انتخابی ماحول کو سبوتاڑ کرنا چاہتے ہیں۔ واضح رہے کہ عام انتخاب کے حوالے سے لوگوں کو خوفزدہ کیا جارہا ہے۔
