نئی دہلی ۔ جمعہ کو مسلسل تیسرے دن ملک میں پٹرول کی قیمتیں مستحکم رہیں ، جب کہ دو دن تک مستحکم رہنے کے بعد ڈیزل کی قیمتوں میں چار بڑے میٹرو میں 17 سے 20 پیسے فی لیٹر کمی کی گئی۔اس سے قبل سرکاری تیل کمپنیوں نے منگل تک مسلسل چھ روز ڈیزل کی قیمتوں میں کمی کی تھی ، جبکہ تین دن بعد پٹرول کی قیمت میں بھی نو پیسے کی کمی کی گئی تھی۔دنیا میں کورونا وبا کی وجہ سے خام تیل کی طلب میں اضافہ نہیں ہوا ہے ۔انڈین آئل کے مطابق دہلی میں آج پٹرول 81.06 روپے فی لیٹر رہا ، جب کہ ڈیزل 18 پیسے سستا ہوکر 71.10 روپے فی لیٹر ہوگیا۔ممبئی میں پٹرول 87.74 روپے فی لیٹر پر رہا اور ڈیزل 20 پیسے کی کمی سے 77.54 روپے فی لیٹر ہوگیا۔کولکتہ میں پٹرول 82.59 روپے فی لیٹر پر برقرار ہے ، جبکہ ڈیزل کی قیمت 18 پیسے کی کمی سے 74.62 روپے فی لیٹر ہوگئی۔چینائی میں پٹرول قیمت 84.14 روپے فی لیٹر رہی جبکہ ڈیزل 17 پیسے کی کمی سے 76.55 روپے فی لیٹر پر فروخت ہورہا ہے ۔
