ڈیزل کی قیمت تین ہفتے کی اونچی سطح پر

نئی دہلی، 20اپریل (سیاست ڈاٹ کام) ڈیزل کی قیمت ہفتہ کو بڑھ کر تین ہفتہ کی سب سے اونچی سطح پر پہنچ گئی۔ اس سے پہلے گزشتہ چار دنوں میں اس کی قیمت میں کوئی تبدیلی نہیں ہوئی تھی۔ ملک کی سب سے تیل کمپنی انڈین آئل کے مطابق دہلی میں ہفتہ کو ڈیزل آٹھ پیسے مہنگا ہوکر 66.39روپے فی لیٹر پر پہنچ گیا۔ یہ 28مارچ کے بعد اس کی سب سے اونچی سطح ہے ۔ اس دوران پٹرول 73روپے فی لیٹر پر رہا۔ ممبئی میں ڈیزل 9پیسے مہنگا ہوکر 69.49روپے اور کولکاتا میں آٹھ پیسے چڑھ کر 68.13روپے فی لیٹر ہوگیا۔ چینائی میں اس کی قیمت 10پیسے بڑھی اور یہ 70.11روپے فی لیٹر فروخت ہوا۔ کولکاتا میں پٹرول 75.02روپے اور ممبئی میں 78.57روپے فی لیٹر پر مستحکم رہا ۔ چینائی میں یہ ایک پیسے چڑھ کر 75.78روپے فی لیٹر پر پہنچ گیا۔