واشنگٹن :امریکی صدر ڈونالڈٹرمپ کا کہنا ہے کہ ڈیموکریٹس اقتدار سنبھالنے پر ایران کو اربوں ڈالر پیش کر دیں گے۔ انہوں نے یہ بات جارجیا میں ایک انتخابی اجتماع سے خطاب کے دوران کہی۔ٹرمپ نے مزید کہا کہ ان کی جیت کی صورت میں ایران کو فوری طور پر نئے جوہری معاہدے کے حوالے سے بات چیت کے لیے مذاکرات کی میز پر آنا تھا۔ٹرمپ نے ڈیموکریٹس کی جانب اشارہ کرتے ہوئے کہا کہ “سب سے پہلے یہ لوگ ماحولیات کے حوالے سے پیرس معاہدے میں واپس آنا چاہتے ہیں جو ہم پر بہت بڑا بوجھ ہو گا۔ یہ معاہدہ امریکہ کو برباد کرنے کے لیے تیار کیا گیا۔ دوسرا کام جو ڈیموکریٹس کرنا چاہتے ہیں وہ یہ کہ ایران کو اربوں ڈالروں سے نوازا جائے”۔اس سے قبل امریکہ کے منتخب صدر جو بائیڈن نے زور دے کر کہا تھا کہ ان کی انتظامیہ ایران کو جوہری ہتھیار حاصل ہر گز حاصل نہیں کرنے دے گی۔
