ریودی جنیریو،14فروری (سیاست ڈاٹ کام) برازیل کے جنوب مشرقی صوبہ مناس گیرائس میں ڈیم انہدام حادثہ میں ہلاک ہونے والوں کی تعداد بڑھ کر 166ہوگئی ہے جبکہ 155افراد ہنوز لاپتہ ہیں۔ ریاست کی سول سکیورٹی ایجنسی ن چہارشنبہ کو یہ اطلاع دی ۔ایجنسی کے لیفٹینٹ کرنل فلاویو گوڈنہو نے صحافیوں کو بتایاکہ دیگر 155افراد ہنوز لاپتہ ہیں کیونکہ جنوری میں باندھ ٹوٹنے کے بعد ہزاروں ٹن کیچڑ بروماڈنہو شہر کے کئی حصوں میں پھیل گیا ۔انھوں نے کہاکہ لاپتہ لوگوں کی نعشوں کا پتہ لگانے کی کوشش کی جارہی ہے ۔بچاؤٹیمیں تیزی سے نعشیں نہیں نکال پارہی ہیں کیونکہ وہ کم سے کم 15میٹر کیچڑ میں دبی ہوئی ہیں ۔افسران نے مہلوکین میں سے 160کی شناخت کی ہے جن میں سے بیشتر کانکن اور آس پاس کے لوگ شامل ہیں ۔
