نئی دہلی ۔ /25 اپریل (سیاست ڈاٹ کام) ہندوستان میں کووڈ۔19 کے کیس دوگنے ہونے کی اوسط شرح موجودہ طور پر 9.1 یوم ہے اور جمعہ کی صبح 8 بجے سے ہفتہ کی صبح 8 بجے تک ملک میں صرف 6 فیصد نئے کیس درج کئے گئے ۔ حکومت نے آج کہا کہ ملک میں 100 کیس متجاوز ہونے کے بعد سے ایک دن میں یہ سب سے کم شرح ہے ۔ اعلیٰ سطح کے وزارتی گروپ برائے کووڈ۔ 19 کی 13 ویں میٹنگ آج مرکزی وزارت صحت ہرش وردھن کی صدارت میں منعقد کی گئی ۔ وزارت نے کہا کہ تمام ریاستوں کی صورتحال کا جائزہ لیا گیا ۔
