کابل: افغانستان کے دارالحکومت کابل میں ایک گھنٹے کے اندر تین دھماکوں میں ڈسٹرکٹ پولیس چیف سمیت 3 افراد ہلاک اور 6 زخمی ہوگئے جبکہ ابھی تک کسی گروپ نے دھماکوں کی ذمہ داری قبول نہیں کی ہے۔پہلے دھماکے میں وزارت محنت کی گاڑی کو نشانہ بنایا گیا اور دوسرے اور تیسرے دھماکے میں افغان پولیس کی گاڑیوں کو ٹارگٹ کیا گیا جبکہ تین دھماکوں میں ڈسٹرکٹ پولیس چیف سمیت 3 افراد ہلاک اور 6 زخمی ہوگئے۔ کابل کے علاقے براکی میں ڈسٹرکٹ پولیس چیف کی گاڑی کو دھماکے کا نشانہ بنایا گیا ، پولیس چیف کے ہمراہ دو گارڈز بھی دھماکے میں ہلاک ہوئے جبکہ دیگر دو افراد زخمی ہوئے۔اس سے پہلے کابل کے قلعہ عبدالعلیٰ کے علاقے میں بھی پولیس کی گاڑی کو نشانہ بنایا گیا جس میں کوئی جانی نقصان نہیں ہوا جبکہ تیسرے دھماکے میں بھی سرکاری گاڑی کو نشانہ بنایا گیا جس میں 4 افراد زخمی ہوئے۔ابھی تک کسی گروپ نے ان تینوں دھماکوں کی ذمہ داری قبول نہیں کی ہے۔
