ماسکو : افغان طالبان افغانستان کے دارالحکومت کابل کے مضافات میں داخل ہو گئے ہیں، اس موقع پر روس نے کہا ہے کہ وہ فی الحال کابل میں اپنے سفارتی عملے کو واپس بلانے کا کوئی منصوبہ نہیں رکھتا۔افغانستان میں طالبان پیش قدمی میں تیزی دیکھی گئی ہے اور مسلح افراد اب دارالحکومت کابل میں داخل ہو رہے ہیں۔امریکہ اور برطانیہ سمیت کئی ملک افغانستان میں اپنے شہریوں اور سفارتی عملے کی واپسی کے لیے اقدامات کر رہے ہیں۔روس کے دفترِ خارجہ کے ایک ترجمان نے خبر رساں ادارے کو بتایا ہے کہ وہ کابل میں ماسکو کے سفیر سے براہِ راست رابطے میں ہیں۔ان کا کہنا ہے کہ روس کا سفارتی عملہ ’پْرسکون ماحول‘ میں کام کر رہا ہے اور فی الحال ان کی واپسی کے لیے کوئی منصوبہ تشکیل نہیں دیا گیا۔
