کابل، 10 اکتوبر (یو این آئی) افغان طالبان حکومت کے ترجمان ذبیح اللہ مجاہد نے کہا ہے کہ افغانستان کے دارالحکومت کابل میں دھماکے کی آواز سنی گئی ہے ۔ سماجی رابطے کی ویب سائٹ ایکس پر جاری بیان میں افغان طالبان کے ترجمان ذبیح اللہ مجاہد کا کہنا تھا کہ ‘کابل شہر میں دھماکے کی آواز سنی گئی ہے ، تاہم کسی کو پریشانی کی ضرورت نہیں، سب خیریت ہے ۔ ان کا کہنا تھا کہ واقعے کی تحقیقات جاری ہیں اور تاحال کسی نقصان کی کوئی اطلاع نہیں ملی۔ انہوں نے مزید کہا کہ سب کچھ ٹھیک ہے ۔ ادھر اے ایف پی کے صحافیوں نے بتایا کہ دارالحکومت میں دو دھماکوں کی آوازیں سنی گئیں۔
