کابل: افغانستان کی سپریم کوٹ نے کابل یونیورسٹی حملہ کے ماسٹر مائنڈ محمد عادل کو سزائے موت جب کہ دیگر ملزمان کو عمر قید کی سزا سنائی ۔افغان میڈیا کے مطابق گزشتہ برس نومبر میں فوجی لباس میں دہشت گردوں نے کابل یونیورسٹی پر حملہ کرکے 30 سے زائد طلبا کو شہید اور متعدد کو زخمی کردیا تھا۔ حکومت نے حملے کا ذمہ دار طالبان کو ٹھہرایا تھا تاہم طالبان کی جانب سے سخت تردید کے بعد ایک ملزم محمد عادل کو حراست میں لیا گیا تھا جسے حقانی نیٹ ورک کا آلہ کار بتاکر ماسٹر مائنڈ قرار دیا گیا تھا۔آج سپریم کورٹ نے سخت حفاظتی پہرے میں کیس کی سماعت کی اور ملزم محمد عادل کو سزائے موت جبکہ دیگر کو بارودی مواد کی ترسیل اور سہولت کاری کے الزام میں عمر قید کی سزا سنا دی۔افغان نائب صدر امراللہ صالح نے بتایا کہ محمد عال کا تعلق پنج شیر صوبے سے ہے اور وہ 3 برسوں سے لاپتہ تھا۔