بیدر۔ 18 ستمبر (سیاست ڈسٹرکٹ نیوز) بید رکے کارنجہ متاثرہ کسان جو 82دن سے زائد عرصہ سے دھرنے پر بیٹھے ہیںاوران کی جتنی زمینیں کارنجہ ڈیم کی تعمیر میں گئی ہیں ، اس کاوہ معاوضہ چاہتے ہیں۔ اس معاملہ کو کونسل میں اٹھانے پر رکن قانون سازکونسل جناب اروندکمارارلی کو آجدھرنے پر بیٹھے کسانوں نے تہنیت پیش کی۔اور ان کاشکریہ اداکیاکہ ا نھوں نے ہمارے مسئلہ کو کونسل میں اٹھایا۔ واضح رہے کہ وزیرآبپاشی گووند کارجول نے تو کہہ دیاتھاکہ ہم انہیں رقم نہیں دے سکتے ۔ لیکن کونسل میں ہی وزیراعلیٰ بسواراج بومئی نے اروندکمارارلی کوتیقن دیاکہ ہم انسانی بنیادوں پر ان کسانوں کی مدد کے لئے کام کریں گے۔
