استفادہ کنندگان کو تمام تر سہولتوں کی فراہمی ، عنقریب ہوم ڈیلیوری کا انتظام ، چیرمین باجی ریڈی کی پریس کانفرنس
نظام آباد : آرٹی سی چیرمین و رکن اسمبلی نظام آباد رورل مسٹر باجی ریڈی گوردھن نے بتایا کہ آرٹی سی کارگو سرویس کے دو سال مکمل ہوئے ہیں اور ان دو سالوں میں آرٹی سی کو 123.45 کروڑ روپیوں کا فائدہ حاصل ہوا ۔ مسٹر گوردھن نے کارگو سرویس کے دو سالہ معیاد کی تکمیل پر صحافیوں سے بات چیت کرتے ہوئے بتایا کہ کارگو سرویس آندھرا پردیش ، مہاراشٹرا ، کرناٹک ریاستوں تک توسیع دی جارہی ہے اور عنقریب میں عوام کی سہولت کیلئے ہوم ڈیلیوری بھی کی جائے گی اور تیزی کے ساتھ آگے بڑھتے ہوئے ڈیجیٹل سرویس کو بھی دستیاب کیا جائیگا۔ عام آدمیوں تک کارگو سرویس پہنچانے کیلئے بڑے پیمانے پر اقدامات کئے جارہے ہیں ۔ مسٹر باجی ریڈی گوردھن نے کہا کہ تلنگانہ آرٹی سی کی جانب سے باوقار طور پر کارگو سرویس شروع کی گئی تھی ، پہلے سال کے بہ نسبت دوسرے سال میں تیزی کے ساتھ ترقی کرتے ہوئے آگے بڑھتی گئی اور استفادہ کنندگان کو بہترین سہولتیں فراہم کی گئی ۔ دو سالوں میں تقریباً 79.02 لاکھ افراد نے استفادہ حاصل کیا ۔ کسان کھاد ، تخم ، اناج اور راشن شاپس کی اشیاء یا آنگن واڑی کا سامان اور مدارس کا سامان کارگو کے ذریعہ پہنچایا جارہا ہے ۔ ریاست گیر سطح پر آرٹی سی کے پارسل سنٹر 455 کام کررہے ہیں اور آئوٹ سائیڈ برانچس 65 اور اس متعلق 177 کارگو بسیں چلائی جارہی ہے آرٹی سی کی جانب سے ہوم ڈیلیوری کی کوشش کی جارہی ہے ریاست گیر سطح پر ایک بڑا ٹرانسپورٹ ادارہ ہے اور نقصانات سے باہر نکلنے کیلئے بڑے پیمانے پر اقدامات کررہی ہے عوام کے تعاون سے نقصانات سے چھٹکارہ حاصل کیا جائیگا ۔ استفادہ کنندگان کے سہولتوں کیلئے تبدیلیاں عمل میں لائی جائے گی نہ صرف بس کارگو بلکہ عوام کی سہولتوں کے مطابق اقدامات کئے جارہے ہیں ۔ میڈارام جاترا کے موقع پر گڑہ کے ٹرانسپورٹ کے ذریعہ 23 لاکھ 30 ہزار روپئے کی اور بدرا دری ٹیمپل رام نومی کے موقع پر 396480 کروڑ روپئے کی آمدنی حاصل ہوئی ۔ اور آم کے سیزن میں آم کی بھی ٹرانسپورٹ کی گئی عنقریب میں استفادہ کنندگان کو آن لائن رقمی لین دین کی سہولت بھی فراہم کی جائے گی ۔