نارائن پیٹ۔ 28؍اگسٹ (سیاست ڈسٹرکٹ نیوز)۔ کانسٹیبل کے ابتدائی تحریری امتحان کے موقع پر ضلع ایس پی سری این وینکٹیشورلو نے امتحانی مراکز جیسے چٹیم نرسریڈی میموریل ڈگری کالج، دوارکا ہائی اسکول، پرتیبھا جونیئر کالج، ٹی ایس ڈبلیو آر ایس اسکول، ویدا سرسوتی جونیئر کالج وغیرہ میں انتظامات کا معائنہ کیا۔ مقامی پولیس حکام سے تفصیلات دریافت کی گئیں۔کانسٹیبل کے ابتدائی تحریری امتحان کا اہتمام نارائن پیٹ ضلع کے مرکز میں 14 مراکز میں کیا گیا ہے۔ انہوں نے کہا کہ امتحانی مراکز میں امیدواروں کے بائیو میٹرک کے معاملے میں امتحانات بغیر کسی پریشانی کے پرامن طریقے سے منعقد ہوئے۔ ایس پی نے بتایا کہ 14 امتحانی مراکز میں کانسٹیبل کے ابتدائی تحریری امتحان میں کل 4906 افراد میں سے 4635 لوگ شریک ہوئے اور 271 لوگ غیر حاضر رہے۔
