نئی دہلی : تین ریاستوں میں انکم ٹیکس حکام کے چھاپوں کے دوران کروڑوں روپے برآمد کر لیے گئے۔ میڈیا کے مطابق یہ رقم مزید بڑھے گی کیونکہ ابھی مزید نقدی کی گنتی ہونا باقی ہے اور حکام کو مزید مقامات کے بارے میں انٹیلی جنس معلومات ملی ہیں جہاں نقد رقم چھپائی گئی ہے۔ میڈیا کے مطابق ملنے والی نقدی الماریوں اور دیگر فرنیچر میں بھر کر رکھی گئی تھی۔ رپورٹس کے مطابق محکمۂ انکم ٹیکس کے ذرائع نے بتایا ہے کہ 3 مقامات پر 7 کمروں اور 9 لاکرز کی جانچ پڑتال ابھی باقی ہے، دوسری جگہوں کے بارے میں بھی معلومات ملی ہیں جہاں مزید نقدی اور زیورات مل سکتے ہیں۔ میڈیا کے مطابق جھاڑکھنڈ میں کانگریس کے رکنِ اسمبلی دھیرج کمار ساہو کے ٹھکانے سے بھی 300 کروڑ روپے برآمد ہوئے ہیں۔
