راج گڑھ: مدھیہ پردیش کے ضلع راج گرھ کی بیاورا اسمبلی سیٹ کی نمائندگی کرنے والے کانگریس رکن اسمبلی گووردھن دانگی کا آج صبح انتقال ہوگیا۔وہ 63 برس کے تھے ۔ انکے لواحقین میں بیوی،دو بیٹی اور ایک بیٹا ہے ۔خاندانی ذرائع کے مطابق دانگی کو علاج کے لئے دہلی کے ایک اسپتال میں داخل کرایا گیا تھا۔ آج صبح انہوں نے اسپتال میں ہی آخری سانس لی۔ بتایا گیا ہے کہ حرکت قلب رکنے سے ان کا انتقال ہوا۔مسٹر دانگی کو کچھ وقت پہلے کورونا انفیکشن کی وجہ سے بھوپال کے ایک خانگی دواخانہ میں داخل کرایا گیا تھا۔ لیکن بہتر علاج کے لئے انہیں ایئراینبولینس سے دہلی کے اسپتال میں چار پانچ دن پہلے بھیجا گیا تھا۔
