نئی دہلی :راجستھان کے وزیر اعلی اشوک گہلوت کانگریس صدر کے عہدے کی دوڑ سے باہر ہو گئے ہیں۔ ذرائع کے مطابق اشوک گہلوت نے سی ایم کا عہدہ چھوڑنے سے انکار کر دیا تھا۔ جس کی وجہ سے پارٹی ہائی کمان ناراض ہے۔ اس کے ساتھ ہی پارٹی اب کانگریس صدر کے عہدے کے لیے ایک اور آپشن کی تلاش میں ہے۔ معلومات کے مطابق مدھیہ پردیش کے سابق وزیر اعلیٰ کمل ناتھ بھی صدر کے عہدے کی دوڑ میں شامل نہیں ہیں۔ پارٹی ملکارجن کھڑگے اور دگ وجے سنگھ کے ناموں پر غور کر رہی ہے۔
