بنگلورو: کانگریس نے کرناٹک کے سابق وزیر اعلی جگدیش شٹار کو ریاستی قانون ساز کونسل کے ضمنی انتخابات کیلئے اپنا امیدوار بنایا ہے ۔ایم ایل سی کی تین نشستوں پر ضمنی انتخابات 30 جون کو ہوں گے ۔ شٹار ہبلی دھارواڑ سنٹرل حلقہ سے بی جے پی کے مہیش ٹینگنکائی سے اسمبلی الیکشن 34,000 ووٹوں کے فرق سے ہار گئے تھے ۔ وہاں سے الیکشن لڑنے کیلئے ٹکٹ نہ ملنے کے بعد وہ بی جے پی چھوڑ کر 2023 کے اسمبلی انتخابات سے پہلے کانگریس میں شامل ہو گئے ۔ضمنی انتخاب کیلئے کانگریس کے دیگر دو امیدوار تپنپا کامکنور اور سدارمیا حکومت میں وزیر این ایس بوسے راجو ہیں۔ان سیٹوں پر ضمنی انتخابات کرناٹک میں 10 مئی کو ہونے والے اسمبلی انتخابات سے قبل بی جے پی ممبران لکشمن ساودی، بابو راؤ چنچانسور اور آر شنکر کے استعفیٰ کے بعد ہو رہے ہیں۔
