نئی دہلی: کانگریس نے جموں و کشمیر کے پہلگام میں دہشت گردانہ حملے کے پیش نظر جمعرات کو پارٹی کی اعلیٰ ترین پالیسی ساز باڈی کانگریس ورکنگ کمیٹی کی ہنگامی میٹنگ طلب کی ہے ۔کانگریس کے جنرل سکریٹری کے سی وینوگوپال نے یہ اطلاع دیتے ہوئے کہاپہلگام میں خوفناک دہشت گردانہ حملے کے پیش نظر کانگریس ورکنگ کمیٹی کی ایک ہنگامی میٹنگ کل بروز جمعرات 24 اپریل کو صبح 11 بجے 24۔ اکبر روڈ پر ہوگی۔ غور طلب ہیکہ منگل کو پہلگام میں دہشت گردوں نے سیاحوں پر حملہ کرکے زبردست فائرنگ کی تھی جس میں 28 لوگوں کی ہلاکت کی اطلاع ہے ، جن میں بڑی تعداد سیاحوں کی ہے ۔ اس حملے کے بعد دہلی، ممبئی سمیت ملک کے مختلف حصوں میں ہائی الرٹ جاری کر دیا گیا ہے۔
