کانگریس کا مرکزی حکومت پر طنزیہ ٹویٹ، معیشت تباہ، ملازمتیں ختم، بچٹ کی لوٹ لیکن باقی سب ٹھیک ہے

,

   

کانگریس نے معیشت اور ملک میں ملازمتوں کو لے کر مودی حکومت پر طنز کسا ہے۔ کانگریس کے ٹوئٹر ہینڈل سے اس سلسلے میں کئی ٹوئٹ کیے گئے ہیں اور بی جے پی حکومت کو تنقید کا نشانہ بنایا گیا ہے، اور کٹھرے میں کھڑا کیا ہے۔ کانگریس نے ایک ٹوئٹ میں لکھا ہے کہ ’’ہندوستان کو فکر کرنے کی ضرورت نہیں ہے۔ صرف ہماری معیشت ہے جو چوپٹ ہو رہی ہے، ملازمتیں ہیں جو ختم ہو رہی ہیں اور ہماری بچت لوٹی جا رہی ہے، لیکن باقی سب ٹھیک ہے۔ https://twitter.com/INCIndia/status/1176087954122391552

کانگریس کے اس ٹوئٹ میں جی ڈی پی، بے روزگاری، آٹو موبائل سیکٹر اور مینوفیکچرنگ بڑھنے کا تذکرہ ہے۔ اس ٹوئٹ میں ان چیزوں پر بھی سوال اٹھایا گیا ہے کہ’’گزشتہ 6 سال کے مقابلے میں جی ڈی پی سب سے کم یعنی 5 فیصد ہے۔ گزشتہ 19 سالوں کے مقابلے میں آٹو سیکٹر کی حالت بہت بری ہے۔ کانگریس نے ایک دیگر ٹوئٹ میں کہا ہے کہ ’’ کاش امریکہ میں جا کر ہندوستان میں سب کچھ ٹھیک ہونے کا جھوٹا دعویٰ کرنے سے پہلے پی ایم مودی ایک بار جموں و کشمیر کی تکلیف کو محسوس کر لیتے۔ ایک بار کشمیریوں کو گلے لگا لیتے۔ کشمیریت کو زندہ رکھنے کوشش کرتے۔ تب شاید ان کا ’سب ٹھیک ہے‘ کہنا مناسب موقع ہوتا۔

کانگریس نے اس کے علاوہ بھی ایک اور ٹوئٹ کیاہے جس میں اس نے لکھا ہے کہ ’’بیرون ممالک کی نگاہ میں ہندوستان ہمیشہ رول ماڈل ملک رہا ہے۔ ہم نے ہمیشہ دنیا کی رہنمائی کی ہے۔ لیکن آج ہمارے حصے میں بھکمری، میڈیا کو دبانے، خواتین کے عدم تحفظ، جیسے چبھتے سوال ہیں۔ کاش، مودی جی ’بیان دینے میں ماہر نہ ہوتے، جملہ۔ لیکن باقی سب ٹھیک ہے۔

آپ کو بتادیں کہ اتوار کے روز وزیر اعظم نریندر مودی نے ’ہاؤڈی مودی‘ اجلاس میں ہزاروں این آر آئی سے خطاب کیا تھا۔ اس دوران انھوں نے ہندی زبان سمیت کئی علاقائی زبانوں میں اسٹیج سے کہا تھا کہ ہندوستان میں سب اچھا ہے۔ لیکن انھوں نے یہ نہیں بتایا تھا کہ ہندوستان میں مندی ہے، نوجوانوں کی ملازمتیں جا رہی ہیں اور ہر سیکٹر کے لوگ کافی پریشان حال ہیں۔ وزیراعظم مودی کے ’سب اچھا ہے‘ والے بیان کو لے کر سابق وزیر مالیات پی چدمبرم نے حملہ بولا۔ انھوں نے کہا کہ ’’ہندوستان میں بے روزگاری کو چھوڑ کر باقی سب ٹھیک ہے۔‘‘ چدمبرم نے ایک ٹوئٹ میں بی جے پی کو سخت تنقید کا نشانہ بناتے ہوئے یہ بھی لکھا کہ ’’ملازمتوں پر بحران، موب لنچنگ، کشمیر میں تالہ بندی، اپوزیشن لیڈروں کو جیل میں ڈالنا اور کم تنخواہ چھوڑ کر ہندوستان میں سب اچھا ہے۔