ہبلی، 13 جنوری (سیاست ڈاٹ کام ) مرکزی وزیرداخلہ امیت شاہ کے کرناٹک دورہ کے دوران ضلع دھارواڑ کانگریس ‘گوبیک امت شاہ’ مہم چلائے گی اور احتجاج میں انہیں سیاہ جھنڈے دکھائے جائیں گے ۔ امیت شاہ 18 جنوری کو ہبلی کے دورہ پر آئیں گے اور شہریت ترمیمی قانون (سی اے اے ) کی حمایت میں ہبلی میں ایک ریلی کو خطاب کریں گے ۔ دھارواڑ دیہی کانگریس کمیٹی کے صدر انل کمار پاٹل نے پیر کے روز کہا، “ہم منگل سے ’ڈانٹ کم امت شاہ‘مہم چلائیں گے اور آئندہ 18 جنوری کو ہونے والے احتجاج کی تفصیلات آنے والے دنوں میں طے کر لی جائے گی‘‘۔مسٹر پاٹل نے کہا، “مرکزی حکومت سي اے اے اور قومی شہری رجسٹر (این آر سی) کے نام پر لوگوں کو الگ کرنے کی کوشش کر رہی ہے ۔ اسی وجہ سے ہم ہبلی میں مسٹر شاہ کی مخالفت کریں گے ۔
