نئی دہلی: بی جے پی نے ایک بار پھر سابق نائب صدر حامد انصاری پر سوال اٹھائے ہیں۔ بی جے پی کے ترجمان گورو بھاٹیہ نے دو دن پہلے پریس کانفرنس میں کچھ سوالات پوچھے تھے۔ انہوں نے جواب دیا اور اس کے بعد جو حقائق سامنے آئے ہیں وہ تشویشناک ہیں۔ آج بھی بی جے پی کے ترجمان گورو بھاٹیہ نے الزام لگایا کہ حامد انصاری نے غلط حقائق رکھے ہیں۔ سونیا جی کانگریس کا تار پاکستان سے جڑتا ہے اور کرنٹ وہیں سے آتا ہے۔ ہندوستانیت سے زیادہ کوئی چیز اہم نہیں ہے دراصل حامد انصاری نے سارا الزام کانگریس پر ڈالتے ہوئے کہا کہ نائب صدر کے پروگرام میں حکومت کے مشورے پر ہی کسی کو بلایا جاتا ہے۔ بی جے پی نے مزید کہا کہ ہندوستان میں 26/11 کو دہشت گردانہ حملہ ہوا تھا۔ ممبئی حملے کو ایک سال بھی نہیں گزرا تھا کہ نصرت مرزا حامد انصاری کے ساتھ اسٹیج پر بیٹھے تھے۔ یہ کیسے ہوا، جو پاکستان کی آئی ایس آئی سے معلومات شیئر کر رہا تھا وہ حامد انصاری کے ساتھ بیٹھا ہے۔ تصویر میں کانگریس حکومت کے سینئر وزیر بھی اسٹیج شیئر کر رہے ہیں۔ آخر ایسے شخص کو ویزا کیوں دیا گیا جو انڈیا سے معلومات لے کر پاکستان کے ساتھ شیئر کرتا ہے۔
