نئی دہلی ،24اکتوبر(سیاست ڈاٹ کام )کانگریس میڈیا سیل کے سربراہ رندیپ سنگھ سرجے والا ہریانہ اسمبلی انتخاب ہارگئے ہیں ۔مسٹر سرجے والا ریاست کی کیتھل اسمبلی سیٹ سے پارٹی کے امیدوار تھے ۔انھیں بھارتیہ جنتا کے لیلا رام نے 567ووٹوں کے معمولی فرق سے ہرایاہے ۔مسٹر سرجے والا 15ویں دور کی گنتی کے بعد تقریبا 4988ووٹوں سے آگے چل رہے تھے ۔ابتدا میں وہ پیچھے تھے لیکن بعد میں انھوں نے تیزی سے سبقت حاصل کرلی لیکن آخر میں وہ معمولی فرق سے ہارگئے ۔کانگریس ترجمان اس سیٹ سے دوبار رکن اسمبلی رہے ہیں لیکن انڈین نیشنل لوک دل سے بی جے پی میں شامل ہوئے لیلا رام نے انھیں ہیٹرک لگانے سے روک دیا ۔ریاستی اسمبلی کی انتخابی مہم میں وہ کانگریس کے اہم رہنماؤں میں شامل تھے ۔
