کے سی آر 100 حلقوں میں انتخابی مہم چلائیں گے ،کے ٹی آر کا اعلان
110 حلقوں پر بی جے پی کی ضمانت ضبط ہوگی ، کرناٹک سے رقومات منتقلی کا الزام
حیدرآباد /13 اکٹوبر ( سیاست نیوز ) بی آر ایس کے ورکنگ صدر و ریاستی وزیر کے ٹی آر نے کہا کہ کانگریس کے پاس 40 اسمبلی حلقوں پر مقابلہ کرنے امیدوار ہی نہیں ہیں ۔ وہ 70 اسمبلی حلقوں سے کیسے کامیابی حاصل کرے گی ۔ چیف منسٹر کے سی آر 100 اسمبلی حلقوں پر پارٹی کی انتخابی مہم چلائیں گے ۔ بی جے پی کی 110 اسمبلی حلقوں پر ضمانت ضبط ہوجائے گی ۔ کے ٹی آر نے آج میڈیا سے بات کرتے ہوئے کہا کہ تلنگانہ میں کامیابی حاصل کرنے کانگریس کرناٹک سے تلنگانہ کو کروڑہا روپئے منتقل کر رہی ہے ۔ کانگریس تلنگانہ کو کروڑہا روپئے منتقل کر رہی ہے ۔ نوٹ برائے ووٹ پکڑے جانے والے موجودہ صدر تلنگانہ پردیش کانگریس اب چوروں کی ٹولی کی قیادت کر رہے ہیں ۔ کے ٹی آر نے کہا کہ بدعنوانیوں میں ملوث کانگریس کی تلنگانہ میں کوئی جگہ نہیں ہے ۔ کرناٹک میں بدعنوانیوں اور بے قاعدگیوں سے کمائی رقم تلنگانہ کے انتخابات میں خرچ کرنا چاہتی ہے ۔ بی آر ایس ورکنگ صدر نے کہا کہ کانگریس کا ٹکٹ دینے کروڑہا روپئے طلب کئے جارہے ہیں ۔ کانگریس کے ایک قائد نے بتایا کہ حلقہ کوکٹ پلی کا ٹکٹ دینے 15 کروڑ روپئے طلب کئے گئے ۔ کرناٹک میں بڑے پیمانے پر دولت بٹوری جارہی ہے ۔ جہاں تک ان کی اطلاعات ہیں ابھی تک 8 کروڑ روپئے اسمبلی حلقہ کوڑنگل کو پہونچ چکے ہیں ۔ انہوں نے کہا کہ بی آر ایس اپنی انتخابی مہم میں شدت پیدا کرچکی ہے ۔ چیف منسٹر کے سی آر 100 اسمبلی حلقوں میں طوفانی انتخابی مہم چلائیں گے ۔ کے ٹی آر نے کہا کہ جی ایچ ایم سی سرسلہ اور کاماریڈی میں وہ انتخابی مہم چلائیں گے ۔ وہ امید کرتے ہیں انتخابی نگرانی میں الیکشن غیر جانبدارانہ رول ادا کریگی ۔ عہدیداروں کے تبادلوں کو عام تبادلوں کی نظر سے دیکھا جارہا ہے ۔ اس مرتبہ حضورآباد میں بھی بی آر ایس کامیابی حاصل کرے گی ۔ ایٹالہ راجندر 50 حلقوں سے شرمیلا 119 اسمبلی حلقوں پر مقابلہ کرتی ہیں تو انہیں کوئی اعتراض نہیں ہے ۔ کے ٹی آر نے کہا کہ راہول گاندھی لیڈر نہیں بلکہ لیڈر ہے ۔ پونالہ لکشمیا بی آر ایس میں شامل ہونے تیار ہوتے ہیں تو وہ کل ہی ان کے گھر پہونچکر شمولیت کی دعوت دیں گے ۔ کے ٹی آر نے کہا کہ بہت جلد کئی اہم قائدین بی آر ایس میں شامل ہوں گے ۔ امیدواروں کا اعلان کرنے کے بعد کانگریس قائدین ایک دوسرے پر حملے کریں گے ۔ کانگریس میں چیف منسٹر عہدہ کیلئے دو قائدین کے درمیان راضی فارمولہ طئے ہونے کی اطلاعات ملی ہے ۔ کے ٹی آر نے امیت شاہ کو سخت تنقید کا نشانہ بناتے ہوئے کہا کہ ان کے جھوٹ کی کوئی حد نہیں ہے ۔ بی جے پی قائدین ہی انہیں قلبول کرنے کیلئے تیار نہیں ہے ۔ تلنگانہ کے انتخابات میں بی جے پی کی 110 اسمبلی حلقوں پر ضمانت ضبط ہوجائے گی ۔ بی جے پی سنگل ڈجیٹ تک محدود ہوجائے گی ۔ انہوں نے کہا کہ اگر بی جے پی سے مفاہمت ہوتی تو وزیر اعظم مودی کو کیوں تنقید کا نشانہ بنایا جاتا ۔ ہم کوئی انتقامی کارروائی نہیں کر رہے ہیں ۔ ریونت ریڈی کی بدعنوانیوں اور بے قاعدگیوں پر آئی ٹی دھاوے کیوں نہیں کئے جارہے ہیں ۔ استفاس کیا ۔ تلگودیشم کے قومی سربراہ این چندرا بابو نائیڈو کی صحت پر لوکیش کی جانب سے کئے گئے ٹوئیٹ پر تکلیف پہونچی ہے ۔ ایک بیٹے کو اپنے والد کی صحت کے بارے میں کیسی تشویش ہوتی ہے ۔ اس کا انہیں اندازہ ہے ۔ کے سی آر نے جب بھوک ہڑتال کی تھی تب بھی وہ بہت زیادہ پریشان تھے ۔ حیدرآبادکو پرامن رکھنے کیلئے یہاں احتجاج نہ کرنے پر زور دیا گیا ہے ۔ ن