شناکا : جمہوریہ کونگو کے وزیراعظم ڑاں میشیل ساما لوکونڈہ نے استعفی دے دیا ہے۔ایوان صدر کا کہنا ہے کہ وزیراعظم لوکونڈہ اور ان کی کابینہ نے اپنے استعفے صدر فیلیکس ٹشی سیکیدی کو پیش کر دیئے ہیں جنہیں صدر نے قبول کر لیا ہے۔ بتایا گیا ہے کہ نئی حکومت بننے تک موجودہ حکومت فرائض ادا کرتی رہے گی۔ لوکونڈہ فروری 2021 سے وزیراعظم کے عہدے پر فائز تھے۔ یاد رہے کہ جمہوریہ کانگو میں 20 دسمبر کو ہوئے صدارتی انتخابات میں موجودہ صدر کو 73.34 فیصد ووٹ ملے تھے۔
