کنشاسا: افریقی ملک کانگو میں سینکڑوں مسافروں کو لے جانے والی کشتی ڈوب گئی۔غیر ملکی خبر رساں ادار کے مطابق دریائے کانگو میں تقریبا 700 افراد کو لے کر جانے والی مسافر بردار کشتی رات کے وقت حادثہ کا شکار ہوکر ڈوب گئی جس کے بعد اب تک 60 ہلاکتوں کی تصدیق ہوچکی ہے۔حکام کے مطابق حادثہ میں 300افراد کی جان بچ گئی ہے جب کہ دیگر 240 افراد کے بارے میں حتمی معلومات حاصل نہیں ہوسکی ہیں۔ علاوہ ازیں حکام نے حادثہ کے اسباب اور دیگر تفصیلات بھی فراہم نہیں کی ہیں۔واضح رہے کہ کانگو میں دریا پر سفر عام ہے، یہاں دور دراز سفر کے لیے عام طور دریائی سفر کیا جاتا ہے اور اکثر مسافر بردار کشتیوں کے ساتھ حادثات پیش آتے رہے ہیں۔