اقوام متحدہ، 28 نومبر (سیاست ڈاٹ کام) ڈیموکریٹک جمہوریہ کانگو میں موسلا دھار بارش سے مچی تباہی کی وجہ سے کم از کم 41 افراد ہلاک اور تقریبا چار لاکھ تیس ہزار افرادابارش کے بعد سیلاب سے متاثر ہوئے ہیں،اقوام متحدہ کے ترجمان نے چہارشنبہ کو یہ اطلاع دی۔اقوام متحدہ کے سکریٹری جنرل انتونیو گوٹریس کے ترجمان اسٹیفن ڈجارک نے کہا‘‘کانگو انسانی امور کے محکمہ نے بتایا کہ اکتوبر سے ہو رہی موسلادھار بارش کی وجہ سے دریائے اباگي طغیانی پر ہے جس سے تقریبا 430,000 لوگ متاثر ہوئے ہیں’’۔ترجمان نے کہا کہ اقوام متحدہ اور دیگر لوگوں کی امداد سے حکومت کی طرف سے متاثرہ افراد کو پناہ گاہ، پانی اور کھانے کی اشیا تقسیم کرنے کا منصوبہ بنایا گیاہے ۔انہوں نے کہا کہ اقوام متحدہ نے متاثرین کے خاندانوں کے تئیں تعزیت کا اظہار کیا ہے اور حکومت کی مدد کرنے کے لئے بھی تیار ہے ۔
