نیویارک : امریکہ کے معروف ریپر اور گلوکار کانیے ویسٹ کے اسپورٹس کمپنی کے نائیکی کے جوتوں نے قیمتِ فروخت کا ایک نیا ریکارڈ قائم کردیا۔کانیے ویسٹ نے یہ جوتے 2008 میں گریمی ایوارڈز کی تقریب میں ’ہے ماما‘ اور ’اسٹرونگر‘ کی پرفارمنس کے دوران پہنے تھے۔ اے پی کی رپورٹ کے مطابق برانڈ سودبیز نے اعلان کیا کہ ’گریمی‘ میں پہنے گئے کانیے ویسٹ کے نائیکی ایئر ییزی ون 18 لاکھ ڈالر میں فروخت ہوئے۔یہ جوتے ریئرز نامی، اسنیکر انویسٹمنٹ مارکیٹ پلیس نے خریدے ہیں۔ کانیے ویسٹ جوتوں نے اب تک سب سے زیادہ قیمت میں فروخت ہونے کا ریکارڈ قائم کیا ہے اور یہ وہ پہلے جوتے ہیں جن کی قیمت 10 لاکھ ڈالرز سے تجاوز کرگئی۔جوتوں کے معروف برانڈ سودبیز نے ایک نجی سیلز میں اس جوتے کو فروخت کیا۔12 نمبر کے ان جوتوں کو کانیے ویسٹ اور مارک اسمتھ نے ڈیزائن کیا تھا جو نرم سیاہ چمڑے سے بنے ہیں، جس کے اوپری حصوں پر سوراخوں کے ذریعے ڈیزائننگ کی گئی ہے۔کانیے ویسٹ کے ان جوتوں کی قیمت 2020 میں نیلام کیے گئے اسنیکر کی جوڑی سے 3 گنا زیادہ ہیں جو 6 لاکھ 15 ہزار ڈالرز میں فروخت ہوئے تھے۔