حیدرآباد، 24 ستمبر ( پریس نوٹ ) ۔ کبریٰ مخدوم میک اَپ اینڈ اکیڈمی نے اپنے نئے اسٹوڈیو کا موسیٰ رام باغ ، ملک پیٹ میں افتتاح کیا، جو لگژری میک اَپ سروسز کے ساتھ ساتھ خواہشمند طلبہ کے لیے پروفیشنل ٹریننگ پروگرام بھی فراہم کرے گا۔ معروف میک اَپ آرٹسٹ کبریٰ مخدوم کی جانب سے قائم کردہ یہ اکیڈمی حسن اور تعلیم کو یکجا کرنے کا مقصد رکھتی ہے، جہاں ایک طرف صارفین کو معیاری خدمات فراہم کی جائیں گی تو دوسری جانب طلبہ کو جدید مہارتیں اور عملی تجربہ دیا جائے گا۔ افتتاح کے موقع پر کبریٰ مخدوم نے کہاکہ یہ میرا دیرینہ خواب تھا کہ ایک ایسا مقام بنایا جائے جہاں حسن اور تعلیم کا امتزاج ہو۔ ہمارا مشن ہے کہ صارفین میں اعتماد پیدا کیا جائے اور آنے والے ہنرمند فنکاروں کی نئی نسل کو تیار کیا جائے۔ یہ اکیڈمی اپنے منفرد امتزاج ، لگژری خدمات اور منظم تربیت ،کے ذریعے شہر میں تخلیقی صلاحیت اور پروفیشنل ایکسیلنس کا مرکز بننے جا رہی ہے۔ افتتاح کے موقع پر امرین ،راضیہ ، کبریٰ ، محمد مخدوم ، سحر اور عصمت موجود تھے ۔
