چنڈی گڑھ: عام آدمی پارٹی (آپ) کے قومی کنوینر اور دہلی کے وزیراعلی اروند کجریوال 15 دسمبر کو دو روزہ دورے پر پنجاب آئیں گے ۔ اپنے دورے کے پہلے دن کجریوال جالندھر میں ترنگا مارچ کی قیادت کریں گے اور دوسرے دن لمبی پارلیمانی حلقے میں بادل خاندان کو چیلنج کریں گے ۔یہ معلومات پارٹی کی پنجاب اکائی کے صدر رکن پارلیمنٹ بھگونت مان نے میڈیا کو دی۔ بھگونت مان نے کہا کہ چہارشنبہ کو کجریوال جالندھر میں پارتی کی ترنگا یاترا پروگرام میں شامل ہوں گے۔ ترنگا یاترا صبح 11 بجے جالندھر کے نگم چوک سے شروع ہوکر مختلف بازاروں سے ہوتے ہوئے شہر بھر میں مارچ کرے گی۔ کجریوال کو یاترا میں شامل ہونے کے لئے مدعو کیا گیا تھا اور منگل کو کجریوال نے ٹویٹ کرکے کہا کہ کل میں جالندھر میں ترنگا یاترا میں شامل رہوں گا۔
