دہرادون: اتراکھنڈ میں آئندہ اسمبلی انتخابات کے پیش نظر ریاست میں مسلسل اپنی موجودگی کا احساس دلارہے عام آدمی پارٹی (عآپ) کے رہنما اور دہلی کے نائب وزیر اعلی منیش سسودیا 16 دسمبر سے کماؤں کے چار روزہ دورے پر آئیں گے ۔ پارٹی کے ریاستی ترجمان نوین پیرشالی نے چہارشنبہ کو یہاں نامہ نگاروں کو یہ جانکاری دی۔ انہوں نے کہا کہ 16 دسمبر کو مسٹر سسودیا 3 بجے پنت نگر ہوائی اڈے پر پہنچے جہاں عام آدمی پارٹی کارکنان ان کا استقبال کیا اور یہاں سے وہ ہلدوانی پہنچے جہاں وہ ہلدوانی کے رام لیلا میدان میں ایک بہت بڑے مجمع سے خطاب کیا ۔ انہوں نے بتایا کہ 16 دسمبر کو ہلدوانی میں رات آرام کرنے کے بعد وہ 17 دسمبر کو صبح بھیمتال میں پریس کانفرنس کریں گے ۔ اس کے بعد دوپہر 12 بجے وہ بھوالی میں لوگوں سے خطاب کریں گے ، جس کے لیے آپ پارٹی کی تیاریاں مکمل کر لی گئی ہیں۔ پرشالی نے کہا کہ مسٹر سسودیا یہاں سے الموڑہ پہنچیں گے اور وہاں مجمع سے خطاب بھی کریں گے ۔ کاسانی میں شب بسری کے بعد وہ 18 دسمبر کی صبح کوسانی میں پریس کانفرنس کریں گے ۔
