ویلنگٹن: نیوزی لینڈ کے شہر کرائسٹ چرچ میں دو مساجد پر گزشتہ برس مارچ میں ہونے والے دہشت گردانہ حملے کو روکنا نا ممکن تھا۔ اس سلسلے میں آج بروز منگل رائل کمیشن کی جانب سے ایک تفصیلی رپورٹ پیش کی گئی، جس میں انٹیلیجنس سروس کی کو تاہیاں تسلیم کی گئیں مگر رپورٹ اس نتیجے پر پہنچی کہ حملے کو روکنا نا ممکن تھا۔ یہ انکوائری رپورٹ 800 صفحات پر مشتمل ہے۔ رپورٹ میں یہ بھی کہا گیا ہے کہ اس حملے سے قبل انٹیلیجنس حکام نے اسلامی شدت پسندی پر تو کافی توجہ دی مگر دائیں بازو کی انتہا پسندی پر دھیان نہ دیا۔ کرائسٹ چرچ کے اس حملے میں 51مسلمان ہلاک ہو گئے تھے۔
