نئی دہلی ۔ 14 ڈسمبر (سیاست ڈاٹ کام) ویسٹ انڈیز کرکٹ ٹیم کے مایہ ناز آل راؤنڈ ڈووین براوو نے اپنے کرکٹ بورڈ کے روئیے سے تنگ آ کر کیا گیا ریٹائرمنٹ کا اعلان واپس لے لیا ہے اور کہا ہے کہ وہ سلیکشن کیلئے دستیاب ہیں۔تفصیلات کے مطابق 36 سالہ آل راؤنڈر نے کہا کہ میں اپنے مداحوں اور خیر خواہوں کیلئے اعلان کرتا ہوں کہ میں ریٹائرمنٹ کا فیصلہ واپس لے رہا ہوں۔یہ کوئی ڈھکی چھپی بات نہیں کہ میں نے ریٹائرمنٹ کا فیصلہ ویسٹ انڈیز کرکٹ بورڈ میں ہونیوالی انتظامی تبدیلیوں کی وجہ سے واپس لیا ہے۔ میں کچھ عرصے سے بین الاقوامی کرکٹ میں واپسی کا سوچ رہا تھا اور انتظامیہ میں مثبت تبدیلیوں نے میرے لئے فیصلہ آسان کر دیا، انہوں نے اس بات کی بھی تصدیق کردی کہ وہ دیگر کسی فارمیٹ میں واپسی کا ارادہ نہیں رکھتے ہیں،ڈوین براوو نے کہا کہ اگر انہیں ویسٹ انڈین ٹیم میں منتخب کیا گیا تو وہ پوری ذمہ داری کے ساتھ ویسٹ انڈیز کیلئے ٹی ٹونٹی کرکٹ میں خدمات کی انجام دہی کریں گے۔
