مبینہ دھاندلی کیخلاف مظاہرین کا پارلیمنٹ پر دھاوا
بشکیک: کرغزستان میں اپوزیشن گروپوں نے دعویٰ کیا ہیکہ انہوں نے دارالحکومت بشکیک میں سرکاری عمارتوں پر کنٹرول حاصل کرنے کے بعد ملک اقدار پر قبضہ کرلیا ہے۔ اتوار کے انتخابات میں مبینہ دھاندلی کے خلاف مظاہروں میں شدت آ گئی ہے۔ دارالحکومت بشکیک میں ہزاروں لوگوں نے صدر سورن بے جان بیکوف کے خلاف مارچ کیا اور پارلیمنٹ سمیت دیگر سرکاری عمارتوں میں داخل ہوگئے۔ اس سے قبل پیر کو حکام نے شہر کے مرکزی چوک سے مظاہرین کو منتشر کرنے کے لیے پانی کی توپوں اور آنسو گیس کا استعمال کیا۔ ان جھڑپوں میں ایک سو بیس سے زائد لوگ زخمی ہوگئے جن میں سکیورٹی اہلکار بھی شامل ہیں۔ ایک بیان میں حکومتی ترجمان نے کہا ہے کہ صدر بیکوف بحران کے حل کے لیے منگل کو اپوزیشن سمیت تمام سیاسی جماعتوں کے رہنماؤں کے ساتھ ملاقات کیلئے تیار ہیں۔