بنگلورو: کرناٹک حکومت نے ریاست کے ریونیو میں اضافہ کرنے کی کوشش میں برہت بنگلورو میونسپل کارپوریشن (بی بی ایم پی) کے تحت ہوٹلوں، دکانوں، باروں اور لائسنس یافتہ اداروں کے کام کے اوقات میں روزانہ رات 1بجے تک توسیع کردی ہے ۔ ریاست کے شہری ترقی کے محکمے نے یہ فیصلہ 29 جولائی کو کیا ہے ، جس کا مقصد پانچ اہم انتخابی ضمانتوں میں شامل فنڈنگ کے وعدے کو پورا کرنے میں مدد مل حاصل کرنا ہے ۔چیف منسٹر سدارامیا کے انتخابی وعدوں کا سنگ بنیاد پانچ گارنٹیوں سے امید ہے کہ ریاست کو تقریباً 55 ہزار کروڑ روپے سالانہ خرچ آئے گے ۔ لہذا، ان وعدوں کو پورا کرنے کیلئے ضروری اضافی ریونیو میں اضافہ کرنے کیلئے کاروباری اوقات بڑھا دیے گئے ہیں۔سدارامیا نے بجٹ تقریر کے دوران، تجارت اور کاروبار کو فروغ دینے کیلئے بنگلورو اور 10 دیگر کارپوریشن علاقوں میں تجارتی اداروں کے کام کے اوقات میں توسیع کے منصوبوں کا خاکہ پیش کیا۔ حکومت کا اندازہ ہے کہ کاروباری اوقات میں اضافے کے نتیجے میں ٹیکس محصولات میں اضافہ ہوگا، جو کہ پانچ ضمانتوں کے نفاذ میں معاونت کرے گا، جو مختلف سماجی بہبود اور ترقیاتی پروگراموں پر مرکوز ہیں۔ ایسے فیصلوں کے بعد افسران پر سیکورٹی اور قانونی رہنما اصولوں پر سختی سے عمل کرنے پر زور دیا جائیگا۔
