کرناٹک انتخابات میں شاندار جیت کے بعد کانگریس کافی پرجوش نظر آرہی ہے۔ اب کانگریس آئندہ انتخابات میں بھی بہتر کارکردگی کے لیے کوشاں ہے۔ اس دوران کانگریس لیڈر راہل گاندھی نے مدھیہ پردیش اسمبلی انتخابات کی تیاریوں کا ذکر کرتے ہوئے کہا کہ ہم نے کرناٹک میں کیا کیا، ہم مدھیہ پردیش میں دہرانے جارہے ہیں، اس بار کانگریس کو مدھیہ پردیش میں 150 سیٹیں ملیں گی۔ کانگریس صدر ملکارجن کھرگے، جنرل سکریٹری کے سی وینوگوپال اور کانگریس لیڈر راہل گاندھی نے دہلی میں پارٹی ہیڈکوارٹر میں مدھیہ پردیش کے پارٹی لیڈروں کے ساتھ میٹنگ کی۔ جس میں ریاستی پارٹی سربراہ کمل ناتھ، ڈگ وجے سنگھ اور دیگر لیڈران موجود تھے۔ اس میٹنگ کے بعد راہل گاندھی نے کہا، “ہم نے طویل بحث کی، ہمارا اندرونی اندازہ یہ ہے کہ ہمیں کرناٹک میں 136 سیٹیں ملیں، ہم مدھیہ پردیش میں 150 سیٹیں حاصل کرنے والے ہیں۔”
