بنگلورو: کرناٹک کے سابق وزیر اعلیٰ سدھارامیا اور ریاستی کانگریس صدر ڈی کے۔ شیوکمار نے اسمبلی انتخابات سے قبل جمعہ کو پارٹی کی ‘پرجا دھونی یاترا’ شروع کی۔ دونوں رہنما الگ الگ بسوں میں سفر پر روانہ ہوئے۔ کانگریس کے سینئر لیڈر سدھارامیا کی قیادت میں ٹیم شمالی کرناٹک کے علاقے میں اسمبلی حلقوں کا دورہ کرے گی، جبکہ شیوکمار جنوبی اضلاع میں لوگوں سے بات چیت کرے گی سدھارامیا کی قیادت میں 35 لیڈروں پر مشتمل ٹیم نے بیدر ضلع کے بسواکلیان سے یاترا کا آغاز کیا۔ سدھارامیا وہاں ایک جلسہ عام سے خطاب کرنے سے پہلے 12ویں صدی کے سماجی مصلح بسویشور کے مجسمے پر خراج عقیدت پیش کریں گے۔
