بنگلورو:کرناٹک کے سی ایم سدارامیا نے انتخابی ‘گارنٹی’ کو پورا کرنے کے لیے جمعہ کو پیش کیے گئے مالی سال 2023-24 کے بجٹ میں سالانہ 52,000 کروڑ روپے کا انتظام کیا، یہ کہتے ہوئے کہ اس سے 1.3 کروڑ خاندانوں کو فائدہ پہنچنے کی امید ہے۔ سدارامیا، جن کے پاس وزارت خزانہ کا چارج بھی ہے، نے ریاستی اسمبلی میں مالی سال 2023-24 کے لیے 3.27 لاکھ کروڑ روپے کا بجٹ پیش کیا۔ اسمبلی انتخابات کے دوران دی گئی پانچ ضمانتوں کو پورا کرنے کے لیے بجٹ میں 52,000 کروڑ روپے کا انتظام کیا گیا ہے۔
