حیدرآباد 3 مارچ (یو این آئی) آندھراپردیش کے ضلع کرنول میں ٹرین پٹریوں پر سے اترگئی ۔یہ واقعہ اتوار کی صبح کی اولین ساعتوں میں اُس وقت پیش آیا جب وینکٹادری ایکسپریس ٹرین اچانک پٹریوں پر سے اتر گئی تاہم لوکو پائلٹ نے فوری چوکسی کامظاہرہ کیا جس کے سبب ایک بڑاحادثہ ٹل گیا۔اس حادثہ کے وقت ٹرین کی رفتار بھی کم تھی۔یہ ٹرین چتور سے کاچی گوڑہ جارہی تھی کہ یہ حادثہ پیش آیا۔اس واقعہ کے بعد دھون سے ایک اور انجن لا کر عہدیداروں نے صبح چھ بجے ٹرین کو اس کی منزل کی طرف روانہ کردیا۔
