نئی دہلی، 17 اکتوبر (یو این آئی) سنٹرل بیورو آف انویسٹی گیشن (سی بی آئی) نے 27 ستمبر کو تمل ناڈو کے کرور میں اداکار سے سیاست دان بنے وجے کی ،تملگا ویٹری کزگم (ٹی وی کے ) پارٹی کے زیر اہتمام ایک ریلی کے دوران بھگدڑ کی باضابطہ تحقیقات سنبھال لی ہے ۔ اس حادثہ میں 41 افراد جاں بحق ہو گئے تھے ۔سی بی آئی کی ایک ٹیم جمعہ کی صبح تمل ناڈو پہنچی اور توقع ہے کہ وہ کرور میں جائے حادثہ کا دورہ کرے گی ۔ تحقیقات کے ایک حصے کے طور پر ، حکام زندہ بچ جانے والوں اور متاثرین کے اہل خانہ سے مل کر ان کے بیانات ریکارڈ کریں گے ۔سپریم کورٹ نے حادثہ کی تحقیقات ایک وفاقی ایجنسی کے حوالے کر دی تھی ۔ سپریم کورٹ نے حال ہی میں مدراس ہائی کورٹ کے اس حکم کو منسوخ قرار دیا تھا جس میں اس حادثہ کی جانچ خصوصی تفتیشی ٹیم (ایس آئی ٹی) سے کرانے کی ہدایت دی گئی تھی ۔ ہائی کورٹ نے اس سے قبل ایس آئی ٹی تشکیل دی تھی ، جس کی سربراہی افسر آشا گرگ کر رہی تھیں۔ بنے وجے کی قیادت میں ٹی وی کے پارٹی نے ہائی کورٹ کے ایس آئی ٹی جانچ کے حکم کو سپریم کورٹ میں چیلنج کیا تھا۔
