نئی دہلی ۔ ہندستانی کرکٹ کنٹرول بورڈ(بی سی سی آئی) اور سابق کپتان سورو گنگولی نے انگلینڈ کے بلے باز جیک کرولی کی تعریف کرتے ہوئے انہیں بہترین کھلاڑی قرار دیا جنہوں نے ساوتھمپٹن میں پاکستان کے خلاف تیسرے ٹیسٹ میچ میں 267 رنز بنائے ہیں۔ گنگولی نے یہ بھی امید ظاہر کی کہ کرولی کو تینوں فارمیٹ میں کھیلنے کا موقع ملے گا۔ کرولی نے ہفتے کے روز اپنے آٹھویں ٹیسٹ میچ میں جوز بٹلر (152 رنز) کے ساتھ ریکارڈ شراکت کے دوران ڈبل سنچری اسکور کی۔ اس سے انگلینڈ کی ٹیم پاکستان پر ٹیسٹ سیریز جیتنے کے قریب آگئی ہے ۔ 22 سالہ کرولی کی 392 گیندوں کی اننگز نے انگلینڈ کے کھلاڑیوں کے لئے آل ٹائم ٹاپ اسکور میں 10 ویں نمبر پر رکھا۔ گنگولی نے ٹویٹ کیا کہ انگلینڈ کو کرولی کے طور پر تیسرے نمبر پر ایک بہت اچھا کھلاڑی ملا ہے ۔ انہوں نے کہا کہ وہ ایک عمدہ کھلاڑی نظر آتے ہیں۔
