نئی دہلی۔ 4مارچ (سیاست ڈاٹ کام)سپریم کورٹ نے کرپٹو کرنسی پر ریزرور بینک آف انڈیا (آر بی آئی) کی جانب سے عائد پابندی چہارشنبہ کو ہٹا دی۔جسٹس آر ایف نریمن نے آر بی آئی کی طرف سے 6 اپریل 2018 کو جاری اس سرکلر کو چیلنج دینے والی پٹیشن منظور کر لی جس کے تحت کرپٹو کرنسی پر روک لگائی گئی تھی۔آر بی آئی نے 2018 میں ایک سرکلر جاری کر کے بینکوں کو کرپٹوکرنسي میں کاروبار کرنے سے انکار کر دیا تھا۔ اس کے بعد کرپٹوکرنسي ایکسچینج اور کچھ اداروں نے ریزرو بینک کے اس سرکلر کو عدالت میں چیلنج کیا تھا۔ سماعت کے دوران مرکزی بینک کی طرف سے عدالت میں داخل کیے گئے ایک حلف نامہ میں کہا گیا تھا کہ اس نے صرف اپنے قوانین کے تحت آنے والے بینکوں اور دیگر یونٹس کو اس کے خطرات سے بچانے کے لئے یہ قدم اٹھایا ہے ۔کرپٹوکرنسي ایک ڈجیٹل کرنسی ہوتی ہے جو بلاک- چین ٹیکنالوجی پر مبنی ہے ۔
